Oggi si festeggiano i nonni. Auguri

U NEVUDEN

-U rida con j angeli- A disiva a nonna.

E a la cuvava con u pensieru cul nevuden

dai cavì rissi e neigri e j oci

pussè azurri de in cielu a primaveira.

-U rida con j angeli-

A l'à lavà, vestì. Curà a gh’à insignà a parlà

che i zuveni i gh'avena da lavurà.

L'era dura a vitta in montagna

e i se contentavena

de cullu che dava a poca campagna.

U ghe n'ava adré in te l'ortu

u fava el curse in tu curtile adré al galenne

e u s'incantava a vardà u vuru del rondanenne.

U l'à vista vignì vecia a so cara nonna

e u ghe vuriva sempre pussè ben.

Quande da grande l'è anà in città per lavurà

u turnava spessu e u l'anava a truvà.

Dopu in giurnu u l'à truvà in tu lettu

tranquilla e pronta per anà avanti.

U gh'à tegnì stretta a man, u l'à basà

sensa fase incorse che l'era disperà.

Quande l'à serà j oci l'è restà suridente

-A rida con j angeli-

L'era u pensieru che u nevudu u gh'ava in ta mente.