RICORDI DU PAPA’

Vuresse savèi perché staseira u me pensieru

u vo anà per so contu

U vo turnà quande da picenna, stava in simma ai monti.

Quande a neive anca mo a me piazèiva

anca se ghe n’era tanta e alla notte a zirava.

Quande con me surèlla, se fava di pupassi

con u naso j occi e ina spasura in mezzu ai brassi.

Alla seira a me scadava a menestra

ma j occi j erena fissi fora dalla fenestra

per vardà se continuava a nevà

forsi duman da scora se stava a cà.

Doppu u contrullava i compiti u me papà.

I tema, i prublema in donde gh’era sempre

quarcosa da divide a metà.

E doppu finalmente, rivava el fole, con principe e principessa

che a se desedava sempre con in bazen e ina caressa.

Con i fuletti biricchen e Biancaneve con i nanen.

Allura dì che u vaga stasèirau me pensieru

che u turrna in simma ai monti. Cu turna dai tema

dai prublema e dai conti da divide a metà.

Basta che possa pensà anca mo, au me papà.